KathNiel wish makatrabaho ng isang modelo

MATABIL
ni John Fontanilla

INSPIRASYON ng commercial model  na si Dylan Menor ang kanyang beautiful mother na dating modelo rin.

Kuwento ni Dylan, “‘Yung mother ko ‘yung inspirasyon ko kaya pinasok ko na rin ang pagmomodelo. Gusto kong sundan ang yapak niya.

“Sa ngayon may dalawang music videos ako kasama si Morissette Amon at si Genesis Redido at may endorsement ako ng iba’t ibang produkto. Nakagawa na rin ako ng ilang commercials.”

Bukod sa pagmomodelo, pangarap din nitong maging artista at idolo niya ang tambalang Kathryn Bernardo at Daniel Padilla.

“Para sa akin perfect couple sila dahil magaling  umarte, natural na natural. Kaya na-inspire ako na mag-try umarte. 

“Sana soon makakuha ako ng acting project at makasama ko sina Daniel at Kathryn.”

At kung papalaring mabigyan ng movie o TV projects, mas gusto nitong makilala sa drama at comedy.