Pokwang at Diokno may ‘ugnayan’

I-FLEX
ni Jun Nardo

NAGKAROON ng ugnayan ang komedyanteng si Pokwang at senatoriable na si Atty. Chel Diokno.

Unang nag-tweet si Pokie kamakailan na suportado niya si Diokno. Tumugon ang senatoriable sa tweet ng komedyana na, “Naku po, chel ka na lang @pokwang27. Maraming maraming salamat sa suporta.”

Eh kapwa pala fan ng isa’t isa sina Pokwang at Diokno ayon sa tweets nila. 

Ang anak na si direk Pepe Diokno ang madalas magsabi sa ama ng magagandang bagay kay Pokie.

“Wahhhh! I love him. Napakabuting tao. Magand ang pagpapalki nyo sa kanya @PepeDiokno,” tugon ni Pokwang.

Kamakailan, nakakuha ng suporta ang human rights lawyer sa ilang mga artista gaya nina Vice Ganda at Heart Evangelista. Nakasalamuha rin niya sa kampanya sa Naga City sina Nikki Valdez, Cherry Pie Picache, Agot Isidro, Bituin Escalante, ang grupong The Company, at Rivermaya.

Sakaling palarin sa senado,paiigtingin ni Diokno ang pagpapalakas ng Barangay Justice System sa pamamagitan ng Lupon Tagapamayapa.

Itutuloy pa rin niya ang Free Legal Helpdesk na inilalagay ng abogado sa kanyang Facebook page.