HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
BONGGA talaga si Ivana Alawi dahil umabot na sa 15 million ang subscribers niya sa YouTube.
Ibinahagi ni Ivana ang panibagong achievement at milestone na ito sa kanyang career sa pamamagitan ng pag-post ng sexy picture niya sa kanyang Instagram at nakalagay sa caption nito na, “Happy 15 MILLION SUBSCRIBERS on YouTube!!!”
Kabilang sa most viewed videos sa kanyang YouTube channel ang prank videos; collab sa iba pang YouTube stars gaya nina Alex Gonzaga, Zeinab, at Donnalyn Bartolome; ang pamimigay niya ng mga regalo sa mga tao; at siyempre ang nagpasimula ng lahat -ang A Day In My Life na naglaba siya nang nakasando, na mayroong mahigit sa 29 million views.
