Daniel at Alexa Miro gustong makatrabaho ni Krieg Panganiban 

MATABIL
ni John Fontanilla

MULA sa pagiging A1 Model, gusto ring pasukin ng  21 years old, 5’10”, moreno, at guwapitong si Krieg Panganiban ang showbiz.

Bata pa si Krieg ay pangarap nang mag-artista kaya naman pinasok muna niya ang pagmomodelo.

Ani Krieg, “Bata pa lang ako dream ko nang mag-artista, kaya nang makapasok ako bilang modelo ay nasabi ko sa sarili ko na malaki ang chance na makapasok din ako sa pag-aartista at ‘yun nga ang ini-aim ko ngayon na makapasok din sa showbiz.”

Dagdag pa nito, “Gusto  ko po maging artista kasi dream ko po na makagawa at makasama sa  isang historical movie tulad niyong movie na ‘Heneral Luna’ at  makatulong na rin sa pamilya ko.”

Gusto niyang makasama sa proyekto sina Daniel Padilla at Alexa Miro, “Gusto ko pong makasama sa teleserye o pelikula si Daniel kasi mahusay siyang aktor at napakalas ng dating niya.

“Sa babae naman po ang gusto si Alexa Miro dahil ang lakas po ng appeal niya, hopefully sana po makasama ko sila pareho sa isang proyekto.”

Sa ngayonay busy si Krieg sa kanyang modelling projects at nakatakda  itong mag- undergo ng acting, dancing, at singing workshops bilang paghahanda sa pagpasok sa showbiz.