Awra Briguela tiyak ang pag-angat sa The Seniors

HATAWAN
ni Ed de Leon

SIGURO masasabi nating iyang pelikulang The Seniors ang siya nang pinakamalaking break ng komedyanteng si Awra Briguela. Hindi lamang siya bit role sa pelikulang iyan kagaya ng mga nauna niyang ginawa, isa na siya sa lead cast ng nasabing pelikula.

In fairness, nakatatawa naman talaga ang batang iyan. Napatunayan na niya iyan nang maraming beses pero sa mga project na iyon ay kasama siya ng mga mas kilala at beteranong komedyante, kaya hindi siya lumulutang nang husto. Pero riyan sa Seniors, ang kasama niya ay mga artistang babae, at siya lamang ang komedyante kaya tiyak na lutang na lutang ang kanyang role.

Maraming pagkakataong dapat ay lumutang na ang kanyang popularidad. Nahalo na rin naman siya sa isang controversy dahil sa isang gay din na kanyang nakarelasyon, pero walang tamang project eh, kaya siguro sa ngayon aangat na siya talaga.