Aspire Magazine sa HK naman magkakaroon ng billboard

MATABIL
ni John Fontanilla

PAGKATAPOS ibandera sa New York, Los Angeles, California, at Florida, magkakaroon din ng billboard ang Aspire Magazine Global sa Hongkong, ito ang tiniyak ng publisher ng Editor Aspire Magazine Philippines na si Allen Castillo.

Makakasama pa rin sa nasabing billboard ang actor at tinaguriang Supremo ng Dance Floor na si Klinton Start kasama ang ilang A1 Models ng House Of Mode Ele.

Ayon kay Allen, “Bale from New York City, Los Angeles, California and Florida USA, isusunod ko ang Hongkong at ilang countries sa Asia na  magkakaroon ng billboard ng mga model natin sa Pilipinas kasama si Klinton.

“Marami pang plano kasi from Asia, gusto ko ring maglagay ng billboard ng ‘Aspire Magazine Global’ sa Europe at Africa soon,” pagbabalita nito.

Dagdag pa ni Allen,  “And kasabay ng pagkakaroon ng billboard sa countries na nabanggit ko magdadala rin ako ng mga model doon para sa isang malaking fashion shows and magkakaroon din ng copy ng ‘Aspire Magazine Global,’ sa tulong ni Lord sana magawa ko lahat ito ngayong taon

“Pero  this year din magkakaroon ng billboard ng ‘Aspire Magazine’ sa Pilipinas, so tuloy na tuloy na talaga ito.”

Ngayong taon ay papangalanan na rin ni Allen ang ilang inspiring personalities na mailalagay sa Aspire Magazine Philippines/Global 2022 at ilan dito ay sina RS Francisco (Frontrow), Pete and Cecille Bravo (Intele), Raoul Barbosa (Wemsap), Ima Castro (Miss Saigon), Luke Mejares  (singer), Jos Garcia (international singer) Joed Serrano (actor/businessman ), Dra. Analiza Borras (Swiss Dental Clinic), Daniel Matsumaga, Gerald Santos, Gino Padilla, Mark Meily (director) atbp..