Programa nina Papa Ding at Janna Chu Chu nangunguna

MATABIL
ni John Fontanilla

MASAYA ang tambalang Papa Ding at Janna Chu Chu ng programang Barangay LS Songbook ng Barangay LSFM 97.1 dahil number 1 pa rin ito tuwing Sabado at Linggo sa kanilang 6:00-9:00 a.m..

Mabentang-mabenta sa mga listeners ang tunog 80’s tuwing Sabado at mga old song naman tuwing Linggo na talaga namang kinagigiliwan ng mga young and old alikes.

Dadag spice rin sa programa ng dalawa ang mga kuwentong goodvibes na nakare-relate ang mga listener at ang  tanong for the day na puwedeng magbigay ng kanyang saloobin ang mga tagapakinig.

Ayon kay Papa Ding, “Nakatataba ng puso ang suportang ipinakikita ng listeners ng aming program dahil parehong number 1 ‘yung Saturday and Sunday program namin ni Janna.

“Sana ‘wag silang magsawang makinig sa amin at samahan nila kami tuwing Sabado at Linggo.”

Tsika naman ni Janna, “Nagpapasalamat din ako sa Janna’s Minions sa 100% nilang suporta sa program namin ni Papa Ding.

“At salamar din sa lahat ng mga FM listener for making Barangay LSFM 97.1  number 1.”

Ang iba pang Baranggay LSFM  DJ’s ay binubuo nina Papa Jepoy, Papa Carlo, Papa Marky, Papa King, Papa Ace, Papa Dudut, Mama Emma, Mama Belle, Papa Obet, Papa JT, Papa Bol, Mama Cy, at Lady Gracia.