HATAW! D'yaryo ng Bayan hatawtabloid.com
MATABIL
ni John Fontanilla
IKINUWENTO ni Barbie Imperial na naging miyembro siya ng grupong Girltrends ng Its Showtime for awhile, pero natsugi siya sa grupo dahil hindi siya marunong sumayaw.
Ayon kay Barbie sa nakalipas na guesting nito sa Its Showtime, “Kaya nga po ako natanggal sa Girltrends kasi hindi ako magaling sumayaw.”
Sundot naman ni Vice Ganda, “Ay okay lang. Mag-isa ka na lang ngayon.
“Huwag kang mag-alala kung natanggal ka sa GirlTrends kasi hindi ka magaling sumayaw, sila rin naman natanggal lahat. Charot!
“Love natin ang GirlTrends. Family natin ‘yan. Joke joke joke lang.”
Dagdag pa nito, “Kay Chie (Filomeno). Paturo ka kay Chie. Close ba kayo ni Chie? Ay parang hindi. Nag-away ba kayo? Charot lang.”
Natawa na lang ang dalaga sa mga patawa pero may lamang hirit ni Vice Ganda.
