Paro-Paro G ni Sunshine naka-1-M agad

HATAWAN
ni Ed de Leon

GULAT na gulat din si Sunshine Cruz, “nagsayaw lang ako ng paro-paro G kasama sina Rhona, one million na agad.”  Ang tinutukoy niya ay isang dance video na inilagay niya sa isa niyang social media account.

Kami man nakita namin ang video na iyon na nagsasayaw nga si Sunshine, kasama ang dalawang iba pa ng paro-paro G.

Kami man, tatlong beses naming pinanood iyon eh kasi cute ang dating.

Eh ang mga tao, naghahanap na ng wholesome entertainment na kaaaliwan nila. Nakakasawa na iyong mga seryeng Koreano na wala kang makita kundi mga singkit, na ang layo pa ng buka ng bibig sa naririnig mong sinasabi. Iyong mga serye namang local, nagsuntukan, nagbarilan, nagyakapan at ilang taon na rin iyan. Manood ka naman ng mga streaming sa internet, magagastusan ka na, maiinis ka sa mabagal na internet na nagha-hang, at wala ka pang mapanood kundi kahalayan.

Kaya basta may nakasisingit na medyo cute at wholesome gaya niyang dance video ni Sunshine, pinanonood talaga iyon ng mga tao.