HATAW! D'yaryo ng Bayan hatawtabloid.com
RATED R
Rommel Gonzales
AMINADO si Kapuso actress Sanya Lopez na challenging para sa kanya na gampanan ang karakter ni Melody Reyes bilang First Lady.
Ayon kay Sanya, mas malapit sa kanyang tunay na sarili si Melody noong katulong pa lamang ito ng mga Acosta.
Aniya, “Mas challenging po talaga maging First Lady. ‘Yung ‘First Yaya’ po kasi medyo malapit-lapit pa talaga kay Sanya ‘yung character, eh. Unlike now, ‘yung pagiging ‘First Lady,’ medyo inaaral-aral ko pa po.”
Sa katunayan, kumuha pa ang First Lady ng political advisers sa set para maturuan si Sanya ng proper decorum ng isang first lady.
Bukod kina Sanya at Gabby Concepcion, makakasama rin sa First Lady sina Alice Dixson at Rocco Nacino.
Gagampanan ni Alice si Ingrid Domingo, ang dating love interest ni President Glenn. Samantala, si Rocco naman ay si Mayor Moises Valentin.
Ayon kay Rocco, masaya siya na muli niyang makakasama si Sanya sa isang proyekto. Silang dalawa kasi ang love team sa requel ng Encantadia noong 2016.
“[Melissa’s] very supportive, alam niya kapag trabaho, trabaho. And kilala naman niya si Sanya, she’ met her a few times already,” saad ni Rocco tungkol sa kanyang asawang si Melissa Gohing.
Panoorin ang World Premiere ng First Lady, ang sequel sa number 1 program ng 2021 na First Yaya, sa Valentine’s Day sa GMA Telebabad pagkatapos ng 24 Oras.
