Diego nagpakita ng butt sa The Wife

SHOWBIZ KONEK
ni Maricris Valdez Nicasio

BAGO pa man inihayag ni Diego Loyzaga na handa siyang makipagsabayan sa mga hubadero, na siyang trend ngayon, nagawa na niya ito sa bagong pelikulang handog ng Viva Films, ang The Wife na mapapanood na sa Vivamax sa February 11 na idinirehe ni Denise O’Hara at pinagbibidahan din nina Louise delos Reyes at Cara Gonzales.

Naikuwento ni Diego sa digital media conference ng The Wife kamakailan na mayroon siyang butt exposure sa pelikula. Bale ito ang unang pagkakataong ginawa ng aktor ang pagpapakita ng puwet at iyon ay dahil na rin sa pangungumbinse sa kanya ng lady director.

Aniya, ang butt exposure ay bahagi ng isang love scene nila ni Cara na gumaganap na girlfriend niya bago pa napangasawa si Louise.

Paliwanag ni Direk Denise, hindi iyon basta pagpapakita ng puwet. ”Hindi naman siya sapilitan at saka hindi naman ‘yung pagkakapakita, it’s not stark in your face. It’s not like that.

“I mean, I hope ma-appreciate nila ‘yung brand ng sensuality na ipinakita ng movie because it’s different from other sexy films. 

“Hindi ito ‘yung sasabihin mo na very graphic. We hope na-achieve namin ‘yung sensuality from a prespective ng babae.”

Sinabi pa ng filmmaker na hindi niya kinailangang kumbinsiheng mabuti si Diego. ”I think it just flowed and mayroon naman kaming understanding with each other na kung paano ipakikita yun na tasteful.”

Sinabi naman ni Diego na, ”‘Yung mga love scene, it didn’t feel like parang difficult. She made it very easy to do.”