Angeline Quinto lalaki ang magiging first baby

PABONGGAHAN
ni Glen P. Sibonga

ISINAPUBLIKO na ni Angeline Quinto na lalaki ang magiging first baby niya matapos mag-post sa Instagram kaugnay ng naganap na gender reveal ng kanyang baby.

Ayon sa caption ng IG post ni Angeline, “ITS A BOY!!! Sa wakas ma i-sshare ko na rin sa inyong lahat ang gender ng aking baby.”

Nagpasalamat siya sa kanyang kaibigang si Vice Ganda na naorganisa ng gender reveal party. “Maraming salamat ate Vice @praybeytbenjamin at sa Viceral family para sa gender reveal party niyo sa akin!”

Hindi na rin makapaghintay si Angeline sa pagsilang ng kanyang baby boy, na itinuturing niyang blessing from God. “Excited na po ako sa journey ko bilang isang ina. Maraming salamat Panginoon sa isang napakagandang blessing na ibinigay niyo sa akin!”

Bago ito ay naisulat na namin dito sa Hataw na balut at penoy ang pinaglilihian ni Angeline dahil ito ang madalas niyang hanapin para kainin at wala siyang pinipiling oras para kumain nito.