HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
NABALITAAN ng Beautederm CEO and President na si Rhea Anicoche Tan na ibinaba na sa Alert Level 2 ang NCR simula ngayong February 1 kaya naman excited siya dahil pwede na ulit ang face to face presscons para sa launching ng bagong Beautederm ambassadors at endorsers ngayong 2022.
Bago ang lockdown at pandemya noong March 2020 nagkaroon pa ng face to face presscon para sa Beautederm launch ni Darren Espanto. Matagal ding hindi nag-presscon ang Beautederm, hanggang noong Nobyembre 2021 nang lumuwag ang restrictions ng pamahalaan muling bumalik sa face to face presscons ang Beautederm nang ilunsad sina Andrea Brillantes at Maja Salvadorbilang ambassadors ng Beautederm Reiko and Kenzen Health Boosters. Isinabay pa ito sa birthday celebration ni Miss Rhea. Nasundan pa ito noong December 2021 ng launching ni Jelai Andres bilang endorser din ng naturang produkto ng Beautederm. Hanggang sa naghigpit na naman ang pamahalaan dahil sa pagtaas ng COVID-19 cases.
Timing nga ang paglunsad ng Beautederm ng Reiko and Kenzen Health Boosters ngayong pandemya na kailangan nating pahalagahan ang ating kalusugan.
Ayon kay Miss Rhea, “Maraming naituro ang pandemic sa atin – that we should be grateful for all the many blessings God continues to shower to all of us, na mahalaga ang pamilya, at dapat nating alagaan ang ating kalusugan. We need to boost our immune system and take care of not just of our bodies but also our minds as well. Ang REIKO and KENZEN Beautéderm Health Boosters ang aking maliit na contribution para siguraduhin ko na nasa tamang kalusugan ang lahat.”
Kung si Francine ay may payo sa mga kabataan, ang isa sa Beautederm Health Boosters ambassador na si Andrea ay nagbigay din ng payo sa mga kabataan ngayong pandemic.
“Ang masasabi ko social media detox can really help. Kasi minsan hindi natin alam kung gaano na tayo naapektuhan ng social media lalo na palagi lang tayo nasa bahay, nasa room, wala tayong magagawa kundi mag-TikTok at mag-social media. But we can work out. We can read books. We can talk more to our family and friends. We can create new hobby, we can play any instruments,” sabi ni Andrea.
Dagdag pa ni Andrea, siyempre kailangan ding pangalagaan at pahalagahan ng mga kabataan at nating lahat ang ating kalusugan. Lalo na nga’t naranasan din ng young actress na magkaroon ng COVID-19. Kaya malaking tulong ang pag-inom ng health supplements at immune boosters.
Excited na rin ang mga press sa bagong ambassadors at endorsers na ilulunsad ng Beautederm ngayong 2022. At siyempre para makasama ulit sa face to face presscons si Miss Rhea na ibang klaseng magmahal at magpahalaga sa mga press.
Hindi nakakalimot magbigay ng regalo sa mga press si Miss Rhea sa tuwing may espesyal na okasyon gaya na lang ngayong Chinese New Year na nagbigay siya sa mga press ng special tikoy, Beautederm Slender Sips Coffee, at Beautederm Etre Clair Mouthwash.
Thank you very much Miss Rhea and Beautederm!
