HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
PINATUNAYAN nina Paolo Ballesteros at Vice Ganda na mabuti silang magkaibigan at wala silang rivalry kahit pa nasa magkalabang noontime shows sila. Si Paolo ay co-host sa Eat Bulaga habang main host naman si Vice sa It’s Showtime.
Ipinost ni Paolo ang picture nila ni Vice na kuha sa queer acquaintance party na inorganisa ng Unkabogable Star para sa social media stars and emerging showbiz personalities dubbed The UnkabogaBall.
Ibinahagi ni Paolo ang pictures nila matapos ilabas ni Vice ang YouTube vlog niya ng naturang event.
Sa caption nito ay pinasalamatan pa ni Paolo si Vice, “Ayun ang mga vukluh! Hehe thanks @praybeytbenjamin @kaladkaren @jigglycalienteofficial”
Komento naman si Vice, “Awra soonest! Yabyu!”
Reply ni Paolo, “Gow! Labya!”
Samantala, may mga netizen naman na natuwa sa friendship ng dalawa at nagkomento pa na sana ay magsama sila sa isang pelikula o hindi kaya ay mag-collab sa YouTube vlog.
