2 scholar ni Alden nakapagtapos na sa kolehiyo

RATED R
ni Rommel Gonzales

MASAYANG-MASAYA si Alden Richards mula nang nalaman niyang dalawa na sa kanyang mga tinutulungang mag-aral ang nakapagtapos ng kolehiyo.

“I’m very happy and I’m very proud of them kasi hindi nila sinayang ‘yung tulong na ibinigay ko sa kanila,” saad niya sa panayam ni Nelson Canlas. “I should say na walang ibang investment na makatatalo roo  sa na-invest ko rito sa mga batang ‘to.

“It’s a legacy, that’s how I would like to put it. It’s a legacy and dadalhin na nila ‘yun hanggang tumanda sila. And I’m very, very proud of these kids.”

Dagdag pa ni Alden, umaasa siyang marami pang matutulungan ang AR Foundationsa pamamagitan ng benefit concert na pinamagatang ForwARd: Meet Richard R. Faulkerson, Jr.

“With this concert that we’re having now, of course all the proceeds of this will go to AR Foundation that will open up doors for more scholars this year, more projects this year,” sabi niya.

“When we started formulating the foundation, we already have plans, may mga plano na kami paano kami magpo-forward in the next couple of years. So, hindi lang ‘to mare-restrict for granting scholarships, we will also venture into a more diversified charity works in the future.”

Sa direksyon ni Frank Lloyd Mamaril, mapapanood ang ForwARd sa January 30, 8:00 p.m.

Maaring bumili ng tickets nito sa Ticket2Me sa halagang PhP1,999 (VIP with virtual meet & great) at PhP999 (General Admissions).