HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
HINDI sinasadyang nasabay ang pagbanggit ni presidential aspirant Ping Lacson sa kanyang i-Ping TV sa Youtube channel sa segment na World Association Challenge kay Kris Aquino na magbibigay siya ng few words na ikokonek sa kanila.
At isa nga si Kris sa ilang pangalang nabanggit at nagbigay ng few words si Lacson. Pero hindi lang celebrities (local at foreign) ang puwedeng banggitin na pangalan dahil may pagkakataon din na mayroong politicians (na local at foreign din).
Sa video post nasabi ni Ping kay Kris na, “Good luck to her,” at “I wish her well.”
Sinabi pa ng senador sa aktres/tv host, “She deserves to be happy.”
Magkaibigang dikit sina Ping at kuya ni Kris na si dating Pangulong Noynoy Aquino kaya hindi kataka-takang alalahanin nito ang ikabubuti ng tinaguriang Queen of All Media.
Alam namin natin na nahaharap ngayon sa pagsubok sa kanyang kalusugan ni Kris dahil sa sakit niyang autoimmune disease. Bukod pa sa kaka-break din lang nila ng fiance niyang si Mel Sarmiento.
Pero kahit may pinagdaraanan, kahanga-hanga na patuloy na gumagawa ng paraan si Kris para makatulong sa mga biktima ng kalamidad at pandemya.
Bukod kay Kris, nabanggit din sa naturang “challenge” si Dolphy at ilang manlalaro tulad nina Efren Bata Reyes, Paeng Nepumuceno, Lebron James, at si Michael Jordan, na sinabi ni Ping na, “My idol. I’m forever a basketball fan of Michael Jordan.”
