Christine Bermas trending dahil sa siklo

REALITY BITES
ni Dominic Rea

ISA rin sa sinasaluduhan kong baguhang seksing aktres ay si Christine Bermas ng pelikulang Siklo ng Vivamax. 

Nakilala naming tahimik at parang walang muwang sa mundo. Hanggang sa agad-agad ay sumabak sa pagpapaseksi sa mga pelikulang kanyang ginawa para sa Vivamax. 

Maaaring ito ang trending ngayon pero inamin ni Tin na ginagawa niya ang lahat ng ito para sa kanyang kinabukasan at pamilya. Palaban din ang seksing aktres at hindi rin matatawaran ang kanyang galing bilang isang baguhang aktres. 

Just like Cloe Barreto ng Silab na pakawala rin sa pagpapaseksi si Tin. Agad-agad ay limang movie projects na ang kanyang ginawa for Vivamax kasama na riyan ang kanyang launching movie na Moonlight Butterfly ni Joel Lamangan na malapit na rin nating mapanood kasama sina Albie Casino, Ivan Carapiet, at Kit Thompson.

Kasalukuyan namang humahataw sa Vivamax streaming platform ang pelikula nilang Siklo ni Vince Rillon sa direksiyon ni Roman Perez Jr.