HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
ALIWkami sa video na The Politicians (Word Association) ni Presidential aspirant Ping Lacson na nagbigay siya ng ilang komento ukol sa ilang personalidad, Kasama roon sa mga kilalang personalidad sina Senatoriable Herbert Bautista at Pasig City Mayor Vico Sotto.
Hindi itinago ni Ping ang paghanga sa mga batang politika na sina Bistek at Vico.
Komento niya kay Bistek, “Bistek, very good.” Binigyan naman niya ng two thumbs up si Vico.
Pinuri rin niya sina Benjamin Magalong, Benigno Aquino III, at Winston Churchill. Aniya kay Churchill, “I have always idolized this man because of his wit, because of his sarcasm. Because of his statemanship and because of his bravado.”
Isa naman sa pinatamaan niya at may hindi magandang komento si dating presidente Gloria Macapal Arroyo. Aniya rito, “Next please.”
“Another guy,” naman ang nasabi niya kay dating US President Donald Trump.
Idolo naman niya, role model, at gusto niyang maging ganoon din tulad ni Lee Kuan Yew.
Sa pagpuri ni Ping kina Bistek at Vico tila hudyat iyon na maganda ang magiging kalagayan ng bansa kung ang kaakibat niyang magpapalakad ay tulad ng dalawa na nakikitaan na ng sipag at sikap sa kanilang mga nakaatang na gawain at responsibilidad.
Maging sina Bistek at Vico sa minsan ng nagpahayag ng paghanga sa team Ping-Sotto na ‘ika nga nila bilib sila sa kakayahan nina Lacson at sotto kapag ang mga ito ang mamuno sa bayan.
