Sanya kinakarir ang paggawa ng content sa Tiktok

RATED R
ni Rommel Gonzales

BUKOD sa husay sa pag-arte, kina-career din ng  First Lady actress na si Sanya Lopez ang paggawa ng content sa fastest growing social media app na TikTok.

Sa latest trend na Toxic challenge, hindi nagpahuli si Sanya sa pag-upload ng kanyang entry. Suot ang kanyang workout outfit at high heels, hot na hot na humataw ang aktres.

At dahil sa ipinakitang husay sa pagkembot at pagpostura habang sumasayaw, mas napahanga pa ni Sanya ang kanyang fans at followers. Ilang netizens ang nagpadala ng kanilang positive comments sa excellent dancing skills ng Kapuso actress.

Sa kasalukuyan, mayroon nang 11.8 million followers si Sanya sa kanyang TikTok account.

Nito lamang nakaraang Disyembre, isang dance video rin ang in-upload ni Sanya sa kanyang social media accounts na mapapanood na kasama niyang sumasayaw ang bagong Kapuso actress na si Rabiya Mateo.

Mapapanood sina Sanya at Rabiya sa Book 2 ng Agimat Ng Agila ni Senator Ramon “Bong” Revilla, Jr. at malapit na ring umere ang Book 2 ng First Yaya, ang First Lady nina Sanya at Gabby Concepcion.