HATAW! D'yaryo ng Bayan hatawtabloid.com
PABONGGAHAN
ni Glen P. Sibongga
HINDI handang magka-boyfriend si Francine Diaz kaya hindi ito kasama sa kanyang nais pagtuunan ng pansin ngayong 2022. Masaya naman siya kahit wala pang karelasyon.
“Hindi naman sa ayaw ko ng love life, marami po akong crush. Pero alam ko na hindi pa po ako ready. Kaya for now happy ang heart ko,” sabi ni Francine sa guesting niya sa Magandang Buhay.
Kung sabagay bata pa naman si Francine, na magde-debut pa lang sa Enero 27.
Mas gusto ngang mag-focus ni Francine sa kanyang career. Kaya ang New Year wish niya ay mas maraming proyekto. “More projects, para more money,” bulalas ng young actress.
Proud lang si Francine na last year ay natupad niya ang dalawa sa pinakamalaking pangarap niya para sa sarili at sa kanyang pamilya-ang magkaroon ng sariling bahay at sasakyan.
