HATAW! D'yaryo ng Bayan hatawtabloid.com
PABONGGAHAN
ni Glen P. Sibongga
KAPANSIN-PANSIN sa Instagram ni Kris Aquino ang pagkawala ng mga post niya kasama ang fiance niyang si dating DILG Secretary Mel Sarmiento.
Kabilang sa mga deleted post ang announcement ng engagement nila noong October 24 gayundin ang biglaang date nila sa isang fastfood chain pagkatapos dumalo sa isang kasal. Pati ang interview ni Bimby kina Kris at Mel ay nawala na rin.
Ang tanging natirang post na nabanggit ni Kris sa caption si Mel ay ang Christmas post ng Queen of All Media na binira niya ang kanyang bashers na kinukuwestiyon ang lantaran niyang paghahayag ng pagbibigay ng tulong sa mga biktima ng bagyong Odette.
Sinabi pa ni Kris na, “kasi united kami ni Mel.”
Kaya naman mainit na pinag-uusapan sa social media at maging sa online kung hiwalay na ba ang dalawa matapos lang ang ilang buwang ma-engage.
Hinihintay tuloy ang susunod na post ni Kris kung ano ang iaanunsiyo o ipaliliwanag nito tungkol sa kanila ni Mel.
