Claudine at Marjorie magkasamang sinalubong ang Bagong Taon

USAP-USAPAN ang pagkalat ng picture na magkasama sina Claudine at Marjorie Barretto sa family New Year photo kaya marami ang nagtatanong kung nagka-ayos na ba ang magkapatid.?

Ngayon lang kasi muling nakitang magkasama sa isang okasyon ang mag-ate pagkatapos magkaroon ng away noong October, 2019, ito iyong burol ng kanilang yumaong ama na si Miguel Barretto.

Sa Instagram post ni Claudine noong Dec. 31, 2021, ipinakita niya ang naganap na reunion ng Barretto family sa mismong New Year’s Eve.

Anito, “Hi from Olongapo! Hello! Happy New Year!” sa video niya na ipinakita ang anak na si Sabina, kuyang  si Mito Barretto, at anak na si Lucas. Bumati rin ang anak ni Marjorie na si Leon Barretto, at ang sister-in-law ni Claudine na si Connie.

Nagbahagi rin sina Sabrina at Leon sa kanilang Instagram Stories ng mga kaganapan sa kanilang family reunion. Naroon si Marjorie at mga anak katabi ang inang si Inday Barretto at sa kabilang bahagi naman ang pamilya ni Claudine.

Wala namang ipinakitang magkausap sa picture o video sina Claudine at Marjorie kaya hindi pa rin masabi kung nagkabati o nagka-ayos na nga ang mga ito.