HATAW! D'yaryo ng Bayan hatawtabloid.com
HINDI pinalampas ni Sunshine Cruz ang mga fake news na naglalabasan ukol sa kanyang ikalawang anak na si Sam, ang umano’y buntis ito.
Muli, naging tampulan ng mga Maritess si Sunshine kasama ang mga anak nito na ewan ko ba naman at paborito talagang gawan ng tsismis. Hindi ito ang una na gawan ng fake news ang mag-iina.
Ani Sunshine sa kanyang Facebook post, “FAKE NEWS!
“So easy to destroy and make fun of someone by spreading lies on social media.
“Piliin nyo pinaglalaruan nyo huwag yung bata o MINOR pa. Sam Cruz,” giit ng aktres.
Ilang beses nang nabastos, ginawan ng fake news ang mag-iina ng mga taong walang magawa sa kanilang buhay. Mabuti na lang, hindi ito pinalalampas ni Sunshine Pinagsabihan niya ang mga netizen na ang layunin ay manira ng kapwa.
Nagsimula ang pagpapakalat ng ilang netizens na buntis umano si Sam nang mag-post sa Instagram at Facebooksi Sunshine noong Pasko ng picture nilang mag-iina. Mayroon iyong caption na, “#Christmas2021 #family.”
Pinansin ng ilang netizens na tila nakatakip ang dalawang kamay ni Sam sa kanyang tummy. At mabilis itong ginawan ng istorya sa FB at Youtube.
Anang istorya sa FB, “FINALLY! SAM CRUZ PREGNANT?”
Mayroon ding, “USAP-USAPAN NGAYON NG MGA MARITES ANG ISA SA DALAGANG ANAK NI SUNSHINE CRUZ, BUNTIS NGA RAW BA ITO?”
May nag-post din ng, ”Maaaars paskong pasko walang patawad sa tsismis ah. Pero mukhang buntis nga.”
Dahil dito nakatikim sila ng talak mula kay Sunshine. Hindi niya ito talaga pinalampas at iginiit na pumili ang mga netizen ng kanilang paglalaruan. (MV)
