Rocco ite-test muna ang pamilya bago magsama-sama sa Pasko

RATED R
ni Rommel Gonzales

BILANG isang registered Nurse, si Rocco Nacino ang magsasagawa ng COVID-19 antigen test ng kanyang pamilya para tiyaking ligtas ang lahat sa kanilang Christmas gathering.

Mananatili lamang si Rocco sa kanilang bahay kasama ang  pamilya ngayong holidays.

“Siyempre kailangang ingatan lalo na kapag may mga senior sa bahay. Bahay lang kami,” sabi ni Rocco.

Nagtapos si Rocco bilang cum laude na may master’s degree sa Nursing noong 2017.

Kabilang si Rocco sa primetime series na To Have and To Hold, kasama rin sina Carla Abellana at Max Collins.

Speaking of Carla, sa Amerika naman ito magpa-Pasko kasama ang pamilya ni Tom Rodriguez.