Carmina ibinuking ang pagkakaroon ng mistress ni zoren

INIHAYAG ni Carmina Villaroel na mayroong siyang “karibal” sa atensiyon ng kanyang mister na si Zoren Legaspi.

Sa Zoom mediacon ng Stories From the Heart: The End Of Us, si Zoren na mismo ang nagbisto ng “third party” sa kanilang relasyon.

“‘Yun ‘yung third party namin: bisikleta at motor,” pahayag ni Zoren patungkol sa kaniyang libangan.

Ayon kay Carmina, hindi niya gustong magmotor ang kanyang mister dahil sa panganib nito.

“Ayoko talagang nagmomotor [siya] dahil delikado…Wala akong kalaban-laban sa ‘mistress.’ Mahal niya eh,” anang aktres.

Batid ni Zoren na kinakabahan ang kanyang misis sa kanyang libangan pero hindi naman siya mapagbawalan nito.

“Si Mina, hindi siya masaya kasi nerbiyosa. Isang tingin sa ‘kin ‘pag naka-motorcycle gear, I think it’s mental torture ‘pag nagmo-motor ako…Wala eh mahilig ako mag-motor eh,” ani Zoren.

Ayon kay Carmina, hindi sa wala siyang tiwala sa kanyang asawa, pero hindi siya nagtitiwala sa ibang sasakyan na makakasabayan ng aktor sa kalye.

“I’m trying my best not to live in fear. Nagdadasal na lang ako,” anang aktres. ”I don’t want to stop him. That’s his happiness. If hindi siya magiging maligaya, hindi siya magiging masaya sa bahay. 

“I’m trying to understand but I don’t think I can accept his ‘mistress,’” patuloy ni Carmina.

Ayon sa dalawa, bagama’t ideal couple ang tingin sa kanila ng ibang tao, tulad ng iba ay nagkakaroon din sila ng hindi pagkakaunawaan.

“Hindi mawawala ang bagyo [sa pagsasama ng mag-asawa]. Dadaan ang isang marriage sa isang bagyo or dalawa or tatlo or apat…’Pag mayroong pagmamahalan kasi ‘yung bagyo na ‘yun is just a phase,” ani Zoren.

“Nandoon ‘yung respeto and pagmahahalan. Yes, we fight  but na iron ‘yung mga bagay-bagay. We make sure we talk about it,” pahayag naman ni Carmina.

Bukod sa tiwala at pagmamahal, sinabi ni Carmina na kailangan din sa mag-asawa ang pang-unawa, panalangin, at respeto.

 (ROMMEL GONZALES)