HATAW! D'yaryo ng Bayan hatawtabloid.com
ALAM MO NA!
ni Nonie V. Nicasio
NAKILALA noon si Rosanna Jover sa mundo ng showbiz bilang kontrabida ng child star that time na si Janice de Belen. Ito ay sa top rating drama series na Flor de Luna.
Mula rito ay gumawa siya ng maraming TV commercials at ilang pelikula.
Pero dahil kailangan niyang mag-focus sa kanyang pag-aaral sa kolehiyo noon sa CEU, kailangan niyang mamili between her studies and showbiz. At ang naging desiyon niya, iwan ang showbiz at tumutok sa pagiging dentista.
After years of being absent sa mundo ng showbiz, nagbabalik siya bilang Doc Rosanna with her own YouTube channel, ang Artistang Dentista.
Aniya, “My goal here is to bridge the gap between the dentist and the patient. This will be an informative channel and viewers will have the chance to have information on common dental issues for free.
“Alam naman natin na maintaining our dentures is a bit expensive pero with this channel, maraming malalaman ang mga viewers na kung minsan ay puwedeng DIY na lang and hindi na kailangan pang dumalaw sa dentist. At the end of the day, madali lang naman talagang alagaan ang ngipin para hindi ito masira or mabulok.
“Prevention is the key and usually kayang-kaya itong gawin sa bahay. And ‘yun ang idi-discuss ko on our future episodes,” lahad pa ni Doc Mayang (nickname niya).
Bukod sa Flor de Luna, kabilang sa hindi malilimutang proyekto ni Doc Mayang ang 1983 film na Hot Property ni Lino Brocka at ang pelikulang ginawa niya na pinagbidahan nina The King – FPJ at Ramon Revilla, Sr.
Actually, nagbalik-showbiz na siya sa pelikulang Persons of Interest na pinagbidahan nina Allen Dizon, Dimples Romana at Liza Lorena. Ang direktor nito ay ang kapatid niyang si Direk Ralston Jover.
Ayon kay Doc Rosanna, hindi rin niya isinasara ang pintuan kung sakaling may offer na makasama siya sa pelikula at teleserye.
