HATAW! D'yaryo ng Bayan hatawtabloid.com
SHOWBIZ KONEK
ni Maricris V. Nicasio
PINAGLIHIAN kaya ni Iwa Moto, asawa ni Pampi Lacson ang biyenan niyang si Sen. Ping Lacson? Malaki kasi ang pagkakahawig ng bunso nina Iwa at Pampi sa lolo nito.
At kahit baby pa lang, bakas na ang pagkakahawig ng bunso nina Iwa at Pampi sa lolo nitong si Sen. Lacson. Sa picture na ipinost ni Iwa sa Instagram ng kanyang bunso at biyenan na si Sen. Ping makikita ang pagkakahawig ng mag-lolo.
Paliwanag ni Iwa sa caption ng picture, madalas kasi siyang manood ng mga interview ng matapang na senador noong ipinagbubuntis niya ang bunso nila ni Pampi. Kaya ‘wag nang mataka kung makahawig nga ito ng lolo.
“When I was pregnant I often catch myself looking at daddy @iampinglacson ‘s videos and interviews. Then this is the outcome! Hahaha,” caption ni Iwa.
Sinabi pa nitong,”Sana anak sumunod ka sa yapak ni papa ping may prinsipyo at mabuting tao. #pinglacson #weneedaleader2022.”
Marami naman sa followers ni Iwa ang agree na parang pinagbiyak na bunga ang maglolo.
Kilala ang presidential candidate na si Lacson sa pagiging family man. Kahit nga minsan ay hindi siya naintriga sa ibang babae. Kasama sa pagiging family man ng senador ang pagiging mahilig sa mga bata kaya giliw na giliw siya sa kanyang mga apo.
Madalas nakikita sa social media ng senador ang pakikipag-bonding nito sa kanyang mga apo. Kamakailan, nakitang ini-enjoy ng presidential aspirant ang pamimingwit kasama ang dalawang apong babae.
Dati nang sinasabi ni Senador Ping na ang lahat ng kanyang ginagawang pagmamalasakit sa bayan, tulad ng paglaban sa kriminalidad at katiwalian, ay para sa susunod na henerasyon o mga bata.
Siguro kapag siya ang nahalal na pangulo sa May 2022, hindi lang siya magiging lider at ama, kundi magiging lolo rin ng bayan.
