Bunso ni Jinggoy na si Jill dream maging singer; campaign jinggle kinanta

SHOWBIZ KONEK
ni Maricris Valdez Nicasio

PAGKANTA at hindi pag-arte ang nakakahiligan ng 15-Year old daughter at bunso ni Senator Jinggoy Estrada, si Julienne ‘Jill’ Ejercito na ipinarinig ang magandang boses sa campaign jinggle ng kanyang daddy.

Nasa Grade 10 Junior High School na si Jill at talagang hilig ang musika dahil anim na taong gulang pa lamang siya’y nakitaan na ng pagkahilig sa musika. Hilig din niya ang dancing, photography at travelling.

“I want to achieve my singing career and make music, because that is my passion!” ani Jill na super ine-enjoy ang pagkanta-kanta.

Ani Jill suportado siya ng kanyang pamilya lalo na ang kapatid na si Julian na katu-katulong niya sa tuwing magre-record ng mga kanta niya.

Natanong si Jill na kung may plano rin siyang umarte dahil doon nakilala ang kanyang ama at lolo. ”Not sure po,” anito.

Paborito ni Jill sina Moira dela Torre at Zack Tabudio na wish niyang maka-collaborate in the future.

Idolo naman niya sina Jodi Sta. Maria at Bea Alonzo sa mga artista. 

Happy at excited si Jill na siya ang kumanta ng campaign song ng kanyang daddy Jinggoy na tumatakbo uli sa pagka-senador sa 2022 election. ”I felt happy and got so excited when my mom told me that I was going to sing for my dad’s campaign song. I asked help from my brother, kuya Julian to assist me on my recording since he does recording.”

Close si Jill kay Sen. Jinggoy at sinabi nitong makulit at mapagmahal ang kanilang ama.

Hindi naman masagot agad ni Jill kung papasukin din niya ang politika tulad ng daddy Jinggoy at Lolo Erap niya dahil,

“Too early to say because I’m only 15 pa lang po.”