HATAW! D'yaryo ng Bayan hatawtabloid.com
HATAW News Team
ITINURING ng grupong Bayan Muna na isang political show at political circus ang patuloy na pag-iingay ng Duterte camp para sa 2022 elections.
Ayon kay Bayan Muna Rep. Ferdinand Gaite, dapat tigil-tigilan ng mga Duterte ang mga pakulo na ang layunin ay ilihis ang tunay na isyu ukol sa palpak na CoVid-19 response ng administrasyon at ang report ng Commission on Audit (COA) na nagpapakita ng palpak na paggamit ng bilyon-bilyong government funds.
Tinukoy ni Gaite ang pagpapalutang ng PDP-Laban para sa Go-Duterte tandem, ang pag iingay ng Malacañang para sa Sara-Digong tandem, at ang pag-aaway kamakailan sa media ng mag-ama.
“Nagpapalutang sila ng bagong pag-uusapan but the people will not fall for this pathetic magicians act of misdirection to confuse the people,” giit ni Gaite.
Aniya, kahit ano ang gawing formula ng mga Duterte para sa 2022 elections ay tiyak na ire-reject ito ng mga Filipino.
“Be it the puppet and master tandem Go-Duterte or the despicably dynastic tandem Sara-Rodrigo, the people are sure to reject the political maneuvers of the Duterte regime,” ani Gaite.
Dagdag ni Gaite, hindi na maloloko pang muli ang publiko at naghihintay na ang sambayanan sa pagtatapos ng termino ni Pangulong Rodrigo Duterte sa susunod na taon.
“Nangangarap na at nakatanaw ang sambayanan sa isang Filipinas na walang Duterte sa kapangyarihan” giit ng mambabatas.
Nanindigan si Anakpawis Partylist National President at dating kongresista Ariel Casilao, kahit magparaya si Pangulong Duterte para sa presidential bid ng anak na si Davao City Mayor Sara ay hindi rin ito kakagatin ng publiko.
Malinaw na ang ganitong plano ay para maisalba si Pangulong Duterte sa mga kasong naghihintay sa kanya sa pagbaba sa puwesto.
“Whether it is Juan dela Cruz-Rodrigo Duterte or Sara-Digong tandem, it is till he same #DutertePalpak and #DuterteKorap brand of traditional politics the Filipino people have been opposing. We should rise up against this archaic evil plan,” pagtatapos ni Casilao.
