Jerald at Kim hubad kung hubad sa mga lovescene

SHOWBIZ KONEK
ni Maricris Valdez Nicasio

FRESH pa sa tagumpay ng Ang Babaeng Walang Pakiramdam sina Jerald Napoles at Kim Molina, heto’t isa na namang pelikula ang tiyak na ie-enjoy ng netizens, ang Ikaw At Ako At Ang Ending na idinirehe ni  Irene Villamor handog pa rin ng Viva Films.

Pero kakaiba itong Ikaw At Ako At Ang Ending dahil isa itong action-drama na may mga nakakalokang sex scenes na ikagugulat ng mga manonood.

Pahayag ni Direk Irene hindi siya nahirapang kunan ang mga nakakalokang sex scenes nina Jerald at Kim dahil komportable na ang dalawa.

Ani Direk Irene, malaking tulong na magkarelasyon sa tunay na buhay sina Jerald at Kim dahil talagang game na game sila sa lahat ng mga eksenang ipinagawa niya.

“Hindi ako nahirapan kasi sila pa nga ‘yung nagsasabi sa’kin, ‘o ano pa ang gusto mong ipagawa sa amin?’ Masaya nga kasi ang dami nilang kayang gawin at ibigay sa direktor kaya ang gaan ng lahat.

“Kaibigan ko rin sila, kaya alam ko kung ano ang mga kakayahan nila sa pagiging artista. Puede mo silang i-push kung hanggang saan sila masasagad. 

“Ang peg ko sa movie is ‘Thelma and Louise’ na you and me against the world ang characters. Their characters as Martin and Mylene are not the types you’d expect to play leads, but they surely deserve to have their own movie. 

“They are two hopeless strangers who meet in an unexpected time where both are trying to escape from their miserable lives and they get involved in some surprising incidents that lead to a very suspenseful and exciting climax.”

Sinabi pa ni Direk Irene na, ”Pangarap ko na talagang gumawa ng ganitong pelikula. Gusto ko talagang mag-action. Parang patikim pa lang ito sa akin ng universe, kung ano ang kaya kong gawin sa genre na ‘yon.

“Sobra ko siyang in-embrace, sobra ko siyang mahal. So, parang hindi naman sa babae o sa lalaki o sa gender, but it’s more of sa gusto kong ikuwento at gusto ko rin ‘yung energy ng genre.”

Ang Ikaw At Ako At Ang Ending ay ukol sa dalawang estranghero na pinagtagpo sa hindi inaasahang oras na kapwa sinusubukang takasan ang kanilang mga miserableng realidad.

Nag-premiere sa YouTube ang teaser trailer ng pelikula noong July 11, at siksik ito ng takbuhan, car chasing, at maiinit na love scenes at puno ng suspense at aksyon. Ngunit dahil ito ay pelikulang gawa ni Direk Irene, tiyak marami pang sorpresa ang mapapanood.

Siguradong marami rin ang masosorpresa sa kakaibang Kim at Jerald na mapapanood sa pelikulang ito, dahil ibang klase ng pag-arte ang kanilang ipakikita bukod sa kanilang pagpapatawa na mas kilala sila.

Mapapanood ang pelikula simula sa Aug. 13, streaming globally sa ktx.ph, iWant TFC, TFC IPTV, at sa VIVAMAX.