SINIMULAN ng Taguig city government sa pangunguna ni Mayor Lino Cayetano ang Bakuna Nights, isang programa na hanggang hatinggabi ang pagbabakuna sa layuning maturukan ang sektor ng mga manggagawa na kabilang sa kategoryang A4. Magsisimula ang Bakuna Nights mula 6:00 pm hanggang 12:00 am para sa mga manggagawang hindi kayang bumisita sa vaccination sites tuwing office hours dahil hindi makaliban sa kanilang trabaho. Tinatayang nasa 1,000 hanggang 1,500 buhay ang naisasalba araw-araw sa Taguig BGC High Street Mega Vaccination Hub, 2/F B7-Lane P, BGC, Brgy. Fort Bonifacio bilang bahagi ng ligtas, mabilis, at accessible na pagbabakuna. (ERIC JAYSON DREW)