HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MAGANDA pala talaga ang boses ni Makki Lucino, season 4 Tawag ng Tanghalan grand finalist. Kaya hindi nakapagtataka kung kunin siya ng Star Music para gawan ng sariling bersyon ang Broadway song na She Used To Be Mine.
Ang She Used To Be Mine ay kinanta niya sa Tawag ng Tanghalan noon bago pa siya makapasok sa Top 6 na umani ng standing ovation at papuri sa mga hurado at host ng It’s Showtime. Isinulat naman ito ng American singer-songwriter na si Sara Bareilles para sa musical na Waitress na ukol sa isang taong hindi makilala ang dati at kasalukuyang pagkatao.
Noong Biyernes, opisyal nang inilabas sa iba’t ibang digital streaming platform ang una niyang awitin.
Bagamat hindi itinanghal na grand winner sa huling edisyon ng Tawag ng Tanghalan si Lucino, masasabing napakasuwerte niya dahil siya ang napili para kantahin ang She Used To Be Mine na nilapatan ng ibang tunog.
Kaya naman masayang-masaya si Makki at nasabing, ”Kinanta ko po siya sa ‘TNT’ bago makapasok ng Top 6. ‘Yung feedback po ay na-touch ‘yung mga tao, naiyak sila. ‘Yun po ‘yung maganda, na I was able to touch other people’s hearts.”
Ang awiting ito, ani Makki ay alay niya sa kanyang ate at sa lahat ng mga dumaranas ng matinding pagsubok sa buhay bilang single mother.
Ang She Used To Be Mine ang unang single ni Makki na bagamat hindi niya original ay maligaya siya. ”I’m confident po muna rito sa song na ito. Kung magkakaroon man po ako ng time pa ng second single, it will follow po. After this, kapag pinalad po ulit na ma-produce, I’ll be happy and thankful.”
Sa galing ni Makki, binansagan siyang Queer of Soul na ang nagbigay ay ang kanyang management at Star Music.
Ani Makki, ”I’m so happy kasi yung ‘Queer of Soul’ is a monicker na naisip ng aking management at Star Music. The word ‘queer’ ako po ‘yun e. And yung ‘soul’ po is my style of singing. ‘Yung soul pop.”
Pagkatapos ng Tawag ng Tanghalan, sumabak sa livestreaming sa Kumu si Makki sa “Queer of Soul,” na napapanood sa SeenZone channel (@seenzonechannel) at guestings sa FYE Channel at MYX.
