HATAW! D'yaryo ng Bayan hatawtabloid.com
IKINALUNGKOT ng kanilang mga kamag-anak at kaibigan ang paghihiwalay ng kilalang celebrity couple na ito.
Hindi na maitago ang kanilang estado ngayon lalo pa nga at si (ex) misis ay nagpalit na ng pangalan sa kanyang Facebook account; dalaga na siyang muli!
Ang gamit na niya ngayon ay ang apelyido niya noong dalaga siya, hindi na ang apelyido ng kanyang mister.
Medyo matagal na silang may pinagdaRaanan pero katulad ng ibang mag-asawa na nagkakaproblema ay sinubukan muna nila na ayusin ang kanilang pagsasasama.
Kasi naman ay may mga anak sila at mga negosyo na hindi maaaring basta paghatian.
Pero sabi nga, kung hindi ukol ay hindi bubukol, kaya kapwa silang walang nagawa kundi ang maghiwalay ng landas.
Pareho silang hindi pa nagbibigay ng pahayag tungkol sa kung ano ang tunay na nangyari kaya hindi pa malinaw kung ano ang mga dahilan kung bakit sila naghiwalay matapos ang maraming taon nila bilang mag-asawa.
Basta ang sigurado, tuloy-tuloy pa rin ang mga negosyo nila, business partners sila ngayon at hindi tulad dati na magka-tandem sila palagi.
At ang maganda sa (dating) mag-asawa, kahit naghiwalay na sila ay nananatili silang magkaibigan. Sa katunayan, si mister ang isa sa mga unang bumati kay misis nang magdiwang ito ng kaarawan kamakailan. (Rommel Gonzales)
