HATAW! D'yaryo ng Bayan hatawtabloid.com
EARLY 2000 nang sumikat ang pangalan ni RR Enriquez na maganda at seksing co-host noon ni Willie Revillame sa WOWOWEE sa ABS-CBN. Kasama rin si RR sa top rating gag show na Banana Sundae at in fairness dahil may talent sa pagpapatawa at hosting ay naging in demand star noon ang nasabing sexy star na nag-venture sa Skin Clinic business na Rejuva.
Okay ang takbo ng negosyo ni RR na nakapagpatayo pa ng isang branch sa Cavite, at restaurant sa Pampanga. Pero nang magkaroon ng pandemya dahil sa CoVid-19 hayun nag-decide ang dating Kapamilya star na isara ang mga negosyo dahil malulugi lang siya kapag ipinagpatuloy niya.
Pero dahil madiskarte talaga itong si RR ay nag-isip siya ng negosyong puwede niyang ibenta sa panahon na pandemya. At dito ipinanganak ang kanyang Cryolipo Coffee at ang katatapos i-launch na Cryolipo Milk Tea na.
Ayon kay RR, dahil kasama sa essential ang coffee, ito agad ang naisip niyang gawing business. Nag-umpisa lang daw siya sa 5,000 boxes pero ngayon ay 100 of thousands na ang naibebenta nila via online. Malakas na rin daw ang sales ng kaniyang Cryolipo Milk Tea.
Nang tanungin kung babalik pa ba siya sa showbiz? Kung may offer raw pero sa ngayon ay nagko-concentrate siya sa kaniyang negosyo katuwang ang gay sister na si Melissa Enriquez na sikat raw sa social media.
Happy rin ang lovelife ni RR sa piling ng longtime basketer partner na si JJ Helterbrand.
VONGGANG CHIKA!
ni Peter Ledesma
