HATAW! D'yaryo ng Bayan hatawtabloid.com
MAHAL ni Ms. Nora Aunor ang kanyang fans and supporters at concern siya sa kanila kaya nabahala siya nang mabalitaan na nag-aalala sila sa kanyang kalusugan.
Labis umanong nag-aalala ang Noranians, na baka hindi ligtas ang Superstar sa nananalasang pandemya dahil sa CoVid-19.
Kaya nang magkaroon ng panahon ay agad nag-live si Ate Guy sa kanyang Instagram at ibinalita sa lahat ang “good news.”
“Negative” po ang resulta nang magpa-swab test sila ni John Rendez at dalawa pang kasama sa condo sa Eastwood. Pare-pareho silang negative sa nakamamatay na CoVid-19..
Katunayan nitong nagdaang araw ng Linggo ay nagluto ng specialty niya si Ate Guy — ang Bicol express na ikinatuwa ng kanyang viewers.
Ito ang madalas lutuin ng superstar sa tuwing nagdadala siya ng pagkain sa set ng mga teleserye sa GMA-7, gaya ng kawawakas pa lang na “Bilangin Ang Mga Bituin Sa Langit.”
We heard na may follow-up project na si Ate Guy sa Kapuso, pero pinag-uusapan pa raw ito.
Nasa halos 30K na pala ang subscribers ni Ate Guy sa kanyang Nora Aunor official YouTube channel and counting ito at six months pa lang mula nang umpisahan ng singer-actress.
VONGGANG CHIKA!
ni Peter Ledesma
