Karelasyon muling mapapanood sa GMA

SIMULA nitong Lunes, April 5, muling napapanood sa telebisyon ang award-winning at pinag-usapang drama anthology series na Karelasyon.

At kung dati ay isang beses lang ito sa isang linggo, ngayon ay araw-araw nang mapapanood dahil magiging bahagi ito ng GMA Afternoon Prime line-up.

Mula Lunes hanggang Sabado, pagkatapos ng Eat Bulaga, muling balikan ang mga tumatak na Karelasyon episodes na base sa karanasan ng mga magkarelasyong nagkaroon ng matinding hamon sa pagsasama.

Unang ipinalabas ang Karelasyon noong 2015 tampok si Carla Abellana. Bawat episode ay written and directed by acclaimed film writers and directors. Binigyang-buhay naman ang mga ito ng magagaling na Kapuso actor.

Tiyak na maraming matutuwa sa pagbabalik-telebisyon ng Karelasyon.  Isa ito sa mga top-rating shows ng GMA Public Affairs at ang mga video ng episodes nito na uploaded sa YouTube, libo-libo rin ang views.

Mapapanood ang Karelasyon Lunes hanggang Sabado, pagkatapos ng Eat Bulaga sa GMA Afternoon Prime.

Rated R
ni Rommel Gonzales