HATAW! D'yaryo ng Bayan hatawtabloid.com
KAPAG pinag-uusapan ang bakuna, parang bigla nating naririnig ang kanta ni Rey Valera — malayo pa ang umaga.
Ang daming kahanga-hangang katangian ng mga Filipino. Marami sa ating mga kababayan ay pamoso sa iba’t ibang bansa sa buong mundo.
Pero sa pananalasa ng pandemic dulot ng CoVid-19, nakalulungkot sabihin na kabilang ang Filipinas sa mga kulelat sa pagtugon sa pandemya.
Habang ang maraming bansa sa iba’t ibang panig ng mundo ay magtatapos na yata sa pagbabakuna, ang Filipinas, kulelat pa rin sa swab testing.
Walang public swab testing na naganap sa bansa. Marami rin naman ang ayaw magpa-swab, kasi kapag nag-positive sila, hindi sila makaramdam ng assurance na magiging maayos ang kanilang pagka-quarantine sa mga isolation center.
Kaya mas maraming Filipino, lalo na ‘yung mga kapos na kapos na, ang gumagawa ng sariling paraan kapag nakakaramdam ng mga sintomas ng CoVid-19.
Sabi rin ng ibang mapanuri, maliit na porsiyento ang kinitil ng CoVid-19 kompara sa Spanish flu o sa iba pang nagdaang pandemya sa buong mundo.
Pero, mas malaki ang inutang ng pamahalaan — daan-daang bilyon pero hindi nakapagsagawa ng mass testing.
At ngayong bakuna na ang pinag-uusapan sa buong mundo, nasa testing pa rin ang Filipinas.
At ang bakuna, hindi natin alam kung may darating pa talaga.
Kumbaga, tinakaw lang ang mga Filipino sa iba’t ibang klase ng bakuna, pero hanggang ngayon, wala tayong nababalitaan na dumating na ang bakuna.
Kung kantang “Malayo Pa Ang Umaga” ni Rey Valera ang pam-bungad natin , sa ending ng kolum na ito… eto ang magiging theme song natin kahihintay sa bakuna, pasintabi sa Eraserheads…
(O) Diyos ko, ano ba naman ito
Di ba ‘tang-ina, nagmukha tayong tanga
Pinaasa lang tayo
Letseng bakuna ‘to
Diyos ko, ano ba naman ito, woh?
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
