Marion Aunor guest sa “Himig ng Lahi” nina Pilita at Darius, kumanta rin ng theme song ng hugot series sa VivaMax na “Parang Tayo Pero Hindi”

Matapos ang one-on-one interview at jamming kay Janno Gibbs sa kanyang segment sa Happy Time sa Net25, nag-duet ang singer-actor at si Marion ng Simply Jessie.

Soon ay mapapanood ninyo ang young Sultry Diva at Queen (Millennial) of Cover Songs na si Marion Aunor sa “Himig Ng Lahi” nina Ms. Pilita Corales at Darius Razon na mapapanood rin sa Net25 every Sunday at 6:30 pm.

Sulit ang manonood nito specially sa fans and supporters ni Marion dahil kakantahin niya ang ilan sa kanyang hit songs tulad ng Akala at Delikado.

By the way, sa kabila ng pandemic, marami sa ating mga artista at singer ang walang raket. Si Marion ay hindi nawawala bukod sa mapapanood sa kanyang magagandang renditions ng songs sa YouTube channel. Si Marion Aunor rin ang kumanta ng theme song ng hugot series na same title “Parang Tayo Pero Hindi” sa Viva Max na pinagbibidahan nina Xian Lim, Kylie Versoza, at Marco Gumabao.

Sa virtual presscon ng said series ay nag-perform si Marion and as expected ay marami ang humanga sa dalaga ni Maribel Aunor na bukod sa very classy ang voice ay maganda, sexy at flawless. Malakas rin sa Spotify ang mga song ni Marion ‘yung “Akala…” nito ay over 25 million streams (still counting) also her latest single na “Mahal Kita Ngayon” na puwede n’yo rin i-download sa Apple Music and Deezer.

VONGGANG CHIKA!
ni Peter Ledesma