HATAW! D'yaryo ng Bayan hatawtabloid.com
ISANG rapist ang gagampanan ni Mark Herras sa bagong episode ng Magpakailanman ngayong Sabado.
Unang beses ito na gaganap si Mark ng isang offbeat role, nakilala kasi siya sa mga pang-leading man roles.
Pero sa estado ng career ni Mark ngayon, mas gusto niya na maging versatile, gusto niyang maging kontrabida sa pelikula o telebisyon.
Sino ang artistang nais niyang “apihin” o maging kontrabida sa susunod na show?
“Ako kahit kanino.”
Isang specific na artista na gusto niyang saktan o apihin?
“Sino ba? Marami, eh. But I mean siguro sa mga show ng GMA masarap umikot kasi like for example ayan kay Alden (Richards). Puwede kang pumasok na character bilang ‘kapatid’ ko naman.
“Pag ‘kapatid’ masarap i-bully ‘pag kapatid eh,” at tumawa si Mark.
“Kapatid” dahil matalik na magkaibigan sina Mark at Alden Richards at pareho silang taga-Sta. Rosa City sa Laguna.
“Si Alden, sobrang amo, sobrang amo ng mukha, ‘di ba?
“Kung sino ang ibigay sa akin na dapat apihin siguro, I’ll try my best para magawa ko kasi hiniling ko itong character na ito so, dapat talaga ipakita ko sa GMA na kaya kong gawin.”
May titulong I Married A Rapist, ang Magpakailanman new episode this weekend nakasama ni Mark si Anna Vicente, sa direksiyon ni Neal del Rosario.
Rated R
ni Rommel Gonzales
