HATAW! D'yaryo ng Bayan hatawtabloid.com
ARESTADO ang 10 hinihinalang tulak ang apat na pinaghahanap ng batas sa ikinasang buy bust at manhunt operations ng pulisya sa lalawigan ng Bulacan hanggang kahapon, 10 Enero.
Sa ulat na ipinadala kay P/Col. Lawrence Cajipe, provincial director ng Bulacan PNP, nagresulta sa pagkakadakip sa magkakahiwalay na buy bust operations na ikinasa ng Station Drug Enforcement Units ng Meycauayan CPS, San Rafael MPS, Paombong MPS, at San Jose Del Monte CPS, ng 10 tulak ng ilegal na droga.
Kinilala ang drug suspects na sina Mark Anthony Reynaldo, Steven Jake Lopez, Miguelito Bañez, Rommel Dela Cruz, pawang residente sa Brgy. Bangcal, sa lungsod ng Meycauayan; John Leo Valmeo ng Brgy. Pantubig, sa bayan ng San Rafael; Julius San Juan, Rizalina Villanueva, kapwa mula sa Brgy. Sumapang Bata, lungsod ng Malolos; Felix Calano, Ferdinand Halos, at Michael Pulyente, pawang mga taga-Brgy. Minuyan 4, lungsod ng San Jose del Monte.
Nakuha ng mga awtoridad ang may kabuuang 26 plastic sachets ng hinihinalang shabu at buy bust money mula sa mga suspek na nahaharap sa kasong paglabag sa RA 9165 o Comprehensive Dangerous Drugs Act of 2002.
Samantala, nadakip ang apat kataong pinaghahanap ng batas (wanted persons) sa magkakasunod na manhunt operations ng Santa Maria MPS, Meycauayan CPS katuwang ang San Jose Del Monte CPS, Crime Investigation and Detection Group (CIDG) NCR Field Unit at Urdaneta CPS, Pangasinan PPO.
Kinilala ang mga nadakip na sina Mary Jane Buraga, at Rowena Buraga ng Brgy. Caypombo, sa bayan ng Santa Maria, kapwa inaresto sa kasong Estafa; Renan Osorio ng Brgy. Pandayan, lungsod ng Meycauayan, arestado sa kasong Unjust Vexation; Sharmaine Nosis ng Brgy. Muzon, lungsod ng San Jose del Monte, na naaresto kaugnay sa kasong Illegal Recruitment na may kaugnayan sa RA 10175.
Kasalukuyang nasa kani-kanilang arresting unit/station ang mga arestadong wanted person bago dalhin sa korte kung saan sila may kinahaharap na kaso.
(MICKA BAUTISTA)
