HATAW! D'yaryo ng Bayan hatawtabloid.com
NAMATAY na ang dating actor, na anak ng comedy king na si Dolphy, si Edgar Quizon sa edad 63 noong Martes ng hapon. Kahapon naman Miyerkoles ay ipina-cremate na ang kanyang labi. Pneumonia ang kanyang ikinamatay, at kinompirma iyon ni Eric Quizon.
Si Edgar ay anak ni Mang Dolphy sa kanyang unang asawang si Gracita Dominguez na isang artista rin noong araw. Ang mga tunay na kapatid ni Edgar ay sina Manuel, Sahlee, Freddie. Dolphy Junior, at si Rolly. Halos lahat sila ay naging mga artista rin noong kanilang panahon.
Nang matigil ang RVQ Productions ni Mang Dolphy, tumigil na rin sa pag-aartista si Edgar, bagama’t nakagawa pa siya ng pelikula sa ibang kompanya kabilang na ang Regal.
HATAWAN
ni Ed de Leon
