Marian, aminadong kinuwestiyon ang sarili nang kuning host sa isang docu-series 

TATLONG taon na ang docu-series na Tadhana ngayong buwan na ang host ay si Marian Rivera.

 

“Nakatutuwang isipin na noong in-offer sa akin ang ‘Tadhana,’ malaking kuwestiyon sa akin. Bakit ako?” sabi ni Marian sa virtual presscon ng programa.

 

“Hindi ako marunong mag-host! Ito lang ang kaya ko! Kaya natutuwa ako dahil nakatatlong taon na kami. I love my ‘Tadhana’ family! Kahit sa bahay eh nakakapag-taping kami ngayon!” dagdag ni Yan.

 

Habang nasa bahay, ina-assist din niya ang panganay na anak na si Zia sa on-line classes nito.

 

“Talagang napakahirap! Parang nag-aaral din ako! Ngayon ako na.

 

“Sabi ko nga kay Dong, hayan, ako na ang teacher! Kasi pangarap kong maging teacher! Teacher na ako ngayon!

 

“Hirap noong una pero ngayon naka-adjust na siya! Nakatutuwa na ang mga bata, heto na ang mundo ngayon! Enjoy na siya!” sey pa niya.

 

Ang asawang si Dingdong Dantes ang director niya ngayon at sa bahay ginagawa ang taping.

 

“Mas komportable kami pero mas ligtas kasi nasa bahay!

 

“Artista niya ako, director ko siya. ‘Pag nagkamali, ulitin from the top! Metikuloso siya sa lights at lines,” saad niya.

 

Bukas, Sabado,  bago ang Wish Ko Lang ,ang unang anniversary episode ng Tadhana na The One That Ran Away na may two parts na tampok sina Kim Molina, Paolo Contis, Edgar Allan Guzman, at Dave Bornea.

 

Kasunod nito ang SS (Hindi pa Huli Ang Umibig) na tampok sina Cherie Gil, Jon Lucas at iba pa.

I-FLEX
ni Jun Nardo