HATAW! D'yaryo ng Bayan hatawtabloid.com
ALAM ba ninyo kung ano ang huling balita sa isang viber group?
Kung dati ay sa coffee shops pinag-uusapan ang ganitong mga impormasyon, ngayon ay sa viber groups na.
Kasi nga pandemic at bawal ang magkakadikit kaya hindi puwedeng magbulungan.
Hik hik hik!
Kaya heto, mainit na pinag-uusapan ang isang dating ‘paboritong’ target ng mga awtoridad dahil sa kanyang mga kaduda-dudang aktibidad sa Indian community pero ngayon ‘daw’ ay ‘elbow to elbow’ na sa matataas na gov’t officials.
At bakit nangyari ito?
Simula raw iyan noong sumama siya sa isang organisasyon na ang adbokasiya ay labanan ang krimen.
Sa nakalipas na limang taon, ‘malaking pagbabago’ ang nakita sa ‘dating kaaway ng batas’ pero ngayon ay kabungguang balikat ng mga awtoridad. At hindi basta awtoridad kundi matataas na opisyal ng pamahalaan.
Wattafak!
Kasapak-sapak!
Talagang napapa-WOW daw ang mga nakakikilala sa taong ito na talagang nakabibigla ang pagsirit ng yaman.
Pero muling napapailing at napapataas ng kilay kasi pinagdududahan nilang ‘galing’ sa ilegal ang pagyaman?!
Naku! Napaka-ironic naman niyan, ang adbokasiya ay labanan ang krimen tapos ilegal ang gawain?
Anak ng kambing na may sibuyas naman o!
Inggit lang daw ang mga nagtitsismisan sa iba’t ibang viber groups kasi talagang biglang sumirit ang kanyang yaman.
Biglang nagkaroon ng mansiyon sa Alabang. Nagtayo ng hindi mabilang na korporasyon at ngayon ay kakiskisang-siko pa ng matataas na opisyal ng pamahalaan.
Para raw kasing con artist na napakahusay magpanggap sa matataas na opisyal ng pamahalaan.
At kung dati nga ay wanted at target ng mga awtoridad, ngayon ay limang parak pa ang kanyang bodyguard.
Hebigat!
Sabi nga: “Money talks, bullshit walks, that is how life goes.”
Sino siya?
Ipagtanong na lang ninyo sa Indian community na patok na patok ang pangalan niya.
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
