HATAW! D'yaryo ng Bayan hatawtabloid.com
NAGULANTANG ang lahat sa Bureau of Immigration (BI) matapos maglabas ng agarang 6-month preventive suspension without pay si Ombudsman Samuel Martires sa 45 empleyado na sangkot sa ‘pastillas’ scam.
Bagama’t ito’y inaasahan na, walang nag-akala na magiging madali ang proseso matapos idawit ni whistleblower Jeffrey Dale Ungasio ‘este’ Ignacio ang opisina ng Ombudsman na may koneksiyon daw ang isang matataas na opisyal ng immigration na sangkot sa scam.
Pinirmahan ni Martires ang order nitong nakaraang Lunes, 26 Oktubre at agad na ipinadala sa opisina ni Immigration Commissioner Jaime Morente para sa implementasyon.
Bilang pakikiisa sa nasabing imbestigasyon, iniutos din ni Morente ang implementasyon ng deportation para sa 2,736 overstaying Chinese nationals sa bansa.
Sa 45 kawani na nasa listahan ng suspension order, kapansin-pansin na kasama sa walang tatanggaping suweldo ang isa sa mga tumayong state witness na si Jeffrey “Dale” Ignacio na mas kilala sa airport bilang si “Boss Nyepi.”
Aruuyyy!
Karma is real daw sabi ng grupong pastillas?!
Nasaan na ang sinasabing immunity, Madam Senator Risa?
Narito ang mga pangalan na isinama ng Ombudsman sa kanilang order;
- Erwin Ortañez
- Grifton Medina
- Glenn Ford Comia
- Benlado “Bien” Guevarra
- Danieve “Denden” Binsol
- Deon Albao
- Arlan Edward Mendoza
- Anthony Lopez
- Cecille Jonathan Orozco
- Dennis “BP” Robles
- Bradford Allen So
- Vincent Bryan Allas
- Er German Robin
- Gabriel Estacio
- Ralph Ryan Garcia
- Ralph M. Garcia
- Phol Villanueva
- Abdul Fahad Calaca
- Danilo Deudor
- Mark Macababad
- Aurelio Somera Lucero III
- George Bituin
- Salahudin Hadjinoor
- Cherry Pie Ricolcol
- Chevy Chase Naniong
- Carl Jordan Perez
- Abdulhafez Hadjibasher
- Jeffrey Dale Ignacio
- Juan Carlo Gomez
- Clint John Simene
- Jhayson Abelda
- Asliyah Maruhom
- Jan Christian De Villa
- Jessica Anne Salvador
- Jennifer Timbreza
- Robert Michael Sarmiento
- Maria Victoria Jogno
- Catherine Mendoza
- Lorenz Arlei Bontia
- Paul Borja
- Hamza Pacasum
- Manuel Sarmiento III
- Fidel Mendoza
- Dimple Mahyumi Mallari
- Rodolfo Magbuhos, Jr.
Marami ang nagtatanong kung bakit wala raw sa listahan si former Deputy Commissioneir and Port Operations Division Chief Marc Red Mariñas?
Maliwanag naman na wala na sa serbisyo si Mariñas kaya hindi na siya puwedeng patawan ng preventive suspension order ng Ombudsman.
‘Wais’ din naman ‘yung mama ‘no!?
Gayonpaman, mananatili pa rin na kasama siya sa imbestigasyon at posibleng mapatawan ng kaukulang parusa gaya ng perpetual disqualification from public service kapag napatunayan na siya ay nagkasala.
Puwede rin makulong siya kapag napatunayan na siya ang lider ng ‘pastillas scam.’
Samantala, may mga ilang personalidad daw sa listahan na kasama sa preventive suspension ngunit hindi nakatanggap kailanman ng show cause order galing sa BI Board of Discipline?
Kuwestiyonable yata ito at tila wala sa proseso?
Any comment on this BI-BOD?
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
