Elijah Alejo, excited sa 2020 Metro Manila Film Festival!

MASAYANG-MASAYA si Elijah Alejo dahil may entry siya sa 2020 Metro Manila Film Festival.

Kaya bukod sa hit seryeng Prima Donnas, ka-join din siya sa fantasy adventure film na Magikland na kabituin sina Jun Urbano, Migs Cuaderno, Joshua Eugenio, Jamir Zabarte, Dwight Gaston, Bibeth Orteza, Ken Ken Nuyad, Princess Aliyah Rabara, at Hailey Mendez.

Ang Magikland ay mula sa panulat nina Antonette Jadaone, Irene Villamor, Rod C Marmol, Pat Apura, at Devein Baltazar na idinirehe ni Christian Acuna at hatid ng Brightlight Leisure Productions Inc. at ng Gallaga/Reyes Films.

Excited na nga si Elijah dahil may entry siya sa taunang Metro Manila Film Festival at first time niyang makakasama sa parada ng mga pelikulang kasama sa 2020 Metro Manila Film Festival sa darating na Kapaskuhan.

MATABIL
ni John Fontanilla