Papa Ace at Janna Chu Chu, napakikinggang muli sa Barangay LSFM 97.1 Forever

BALIK na sa ere ang tambalang Papa Ace at Janna Chu Chu ng Baranggay LSFM 97.1 Forever after ng ilang buwang  hindi napakinggan ang masayang tambalang ito dahil sa Covid-19 pandemic.

Kaya naman sa kanilang pagbabalik, hatid ng mga ito ang bonggang-bonggang aliw at saya baon ang mga trending na balita sa bansa na ihahatid ni Papa Ace, habang ang mga tumi-trending na balitang showbiz naman ang hatid ng Showbiz Insider na si Janna Chu Chu.

Bukod pa rito ang mga tunay namang mga tumi-trending na mga awitin ngayon sa bansa, mga awiting swak na swak sa panlasang Pinoy mula sa kabataan hanggang sa mga tatay, nanay, lolo at lola.

Mapakikinggan ang programa nina Papa Ace at Janna Chu Chu tuwing Sabado ng umaga, 6:00 -9:00 a.m. sa Barangay LSFM 97.1 FOREVER.

MATABIL
ni John Fontanilla