HATAW! D'yaryo ng Bayan hatawtabloid.com
TAMPOK si Christopher de Leon sa upcoming Father’s Day special episode ng Magpakailanman.
Dahil nalalapit na ang Father’s Day, hatid ng real life drama anthology na #MPK ang kuwento ng isang ama na walang atubili sa pagtulong kahit siya mismo ay kapus-palad din.
Tampok sa episode na pinamagatang Ama Namin: The Jesus ‘Boy’ Parungao Story ang beteranong aktor na si Christopher.
Gaganap siya bilang si Jesus, na nakipagsapalaran sa Maynila noong binata pa.
Hindi naging madali ang pamumuhay niya rito at naging palaboy pa bago nakilala si Lolita (Rita Avila) na tumulong sa kanya.
Malaki man ang agwat ng dalawa, nagkapalagayan sila ng loob at nagsimula ng kanilang pamilya sa pamamagitan ng pagkupkop sa mga batang yagit.
Kalaunan, lumaki na ang kanilang pamilya dahil sa rami ng kanilang mga kinupkop.
Huwag palampasin ang special Father’s Day presentation ng Magpakailan, sa Sabado, June 20, 8:00 p.m. sa GMA.
RATED R
ni Rommel Gonzales
