HATAW! D'yaryo ng Bayan hatawtabloid.com
MATAGUMPAY ang naging pagtatapos ng Mister QuaranTEEN Ambassador Cebu 2020 last Mayo 15, 2020 na itinanghal na grand winner si Nate Dela Cruz ng Argao. Ang 1st runner up naman ay si Brylle Canada ng Naga; 2nd runner up si Bran Caballes ng Guadalupe; at 3rd runner up si Lance Sebastian ng Lapu-Lapu.
Nanalo rin bilang Best Audience Choice Awardee si Sam Panonce ng Lahug habang nakuha ni Lance ang Best in Casual & Sports Wear at Cebu Original Lechon Belly Teen Ambassador Award.
Nakakuha ng matinding attention ang naganap na question and answer portion sa mga candidate na maraming pakulo ang nangyari katulad nang paglabas bilang online panel of questioner ang GMA7 comedian na si Betong Sumaya.
Umani rin ng magagandang reaksiyon ang kompetisyon mula sa mga nakapanood nito.
Gustong pasalamatan ng Cebu Young Talent ang mga sponsor, online judges, panel of online questioners, at mga candidate.
“Ako po ay lubos na nagpapasalamat sa malaking tiwala at suporta na ibinigay nila, kung hindi dahil sa kanila ang event ay hindi magiging possible at matagumpay,” anang CYT.
Malaki rin ang pasasalamat ng mga candidate.
“Dahil sa online pageant na ito, na-boost ‘yung self confidence ko at maraming salamat sa manager namin na si Johndro A. Sabuero sa paghikayat sa akin na sumali. Gusto ko ring magpasalamat sa lahat ng sumuporta sa akin. Over all, it was indeed a great experience.”sambit ni Lance.
May mangyayaring second wave ng online pageant para sa mga 18-21 years old naman ang magiging kalahok.
Sa mga gustong sumali pwede kayo mag-send ng message sa official fanpage ng Cebu Young Talent sa Facebook.
MATABIL
ni John Fontanilla
