Robin at Mariel, ‘di naawat para ipaghanda si Gabriela

NAG-CELEBRATE ng six months birthday ang anak nina Robin Padilla at Mariel Rodriguez na si Gabriela. Siyempre hindi mo naman sila maaawat kung gusto nila ng celebration. Pero hindi naman sila nagpa-party. Walang maraming tao. Walang inuman. Hindi nila minananita si Gabriela. Simple lamang handa at sila lamang buong pamilya ang naroroon.

Ang biruan nga lang, baka naman may pumansin pa sa kanilang group picture ay wala silang “social distancing” kasi magkakayakap sila. Wala pa silang face mask.  Pero isang pamilya naman sila. Sigurado rin naman sila na walang may Covid-19 sa kanila.

Iyang mga ganyang family gathering, hindi mo naman masasabing bawal iyan. Ang bawal ay iyong may ibang tao, lalo na nga at maliwanag na lumalabag sa tamang protocols kagaya ng curfew o ng liquor ban, social distancing at gamit ng face mask. Eh kung iyon pinalulusot eh, iyan pa bang celebration lang ng pamilya ang hindi?

HATAWAN
ni Ed de Leon