Yasmien, ‘di type pag-artistahin ang anak

MARAMI ang humahanga sa talentong mayroon ang anak ni Yasmien Kurdi na si Ayesha na mahusay umarte, sumayaw, at kumanta bukod pa sa taglay nitong ganda na nakuha sa kanyang ina at Daddy Rey Soldevilla, Jr..

Kitang-kita ang pagiging biba ni Ayesha sa mga video na kasama ang kanyang Mommy Yasmien sa Youtube channel ng ina.

Kaya naman marami rin ang umaasang papasukin din nito ang showbiz katulad ng kanyang ina. Pero kung si Yasmien ang masusunod, ayaw  niyang mag-artista ang anak. Pero suportado niya ang anumang pangarap ng anak.

Ayon kay Yasmien, “Si Ayesha laging nagtatanong sa akin kung ano  ang gusto ko para sa kanya. Pero siyempre ayaw ko naman i-impose at ayaw kong ma-acquire niya ‘yung maging artista dahil artista ako.”

At habang extended ang enhanced community quarantine ay nagbigay ng tips si Yasmien sa mga magulang para maging productive ang araw nila kasama ang kanilang mga anak sa isang free online class.

MATABIL
ni John Fontanilla